തൂവാനം പെയ്തിറങ്ങും ഇടവപാതിയില്
തുള്ളി തൂവി മണ്ണില് വീഴുമീമാരിയില്
നനഞ്ഞു കുതിര്ന്നൊരു പാട്ടുപാടുവാന്
നനുത്തകാറ്റിന് കുളിരേല്ക്കുവാന് മോഹം
കുഞ്ഞിതവളകള് കരയുന്ന പാടത്ത്
കന്നിനെ മേയിച്ചു ചെളിയില്മറിയുന്ന
കന്നാലി ചെക്കന്മാരോടെത്തുകൂടി
കൊഞ്ഞനംക്കുത്തി നടക്കണമീമഴയില്
കാറ്റിലാടും നനഞ്ഞ ചോലമരചില്ലയില്
കാതരമായ് പാടുന്ന പൂങ്കുയിലുകള്
കരളിലമൃതമഴ പൊഴിയുമാമീണങ്ങള്
കാതില് പതിയുന്നു ലോലവീചികളായ്
കുനുതണു തുള്ളികള് വീഴുമാമാച്ചോട്ടില്
കുളിര് തെന്നലേറ്റു തനിച്ചിരിക്കെ
നനുത്ത കരസ്പശമേറ്റയെന് മേനിയില്
മിനുത്ത രോമഹര്ഷങ്ങള് ഉണര്ന്നുവോ
ഇളംതെന്നലില് ദലമര്മ്മരങ്ങള്
ഇരുട്ടില് നിന്നെന്നെയുണര്ത്തി
മഴത്തുള്ളിക്കിലുക്കമാം നിന്സ്വരം
മനസ്സില് നിറയും കുഞ്ഞോളങ്ങളായോ
